Sumqayıtda xuliqanlıq niyyəti ilə adam öldürən Mahir Həsənovun apellyasiya şikayətinə baxılıb. Sumqayıt24 bu haqda 28 sentyabr tarixində Pravda.az-a istinadən xəbər verir.
Proses Sumqayıt Apellyasiya Məhkəməsində hakim Elman Əhmədovun sədrliyi ilə keçirilib. Verilən qərara əsasən, şikayət təmin edilməyib.
Sumqayıt Ağır Cinayətlər Məhkəməsinin hökmü ilə Mahir Həsənov 17 il 6 ay müddətinə həbs olunub.
Qeyd edək ki, hadisə ötən il fevralın 9-da baş verib. 1979-cu il təvəllüdlü Mahir Həsənov 18-ci mikrorayonda mübahisə zamanı tanışı, Sumqayıt sakini, 1977-ci il təvəllüdlü Nazim Məmmədovu bıçaqla qətlə yetirib.
Onun barəsində Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham irəli sürülüb. Həsənov məhkəmə ifadəsində deyib ki, hadisədən əvvəl Nazim Məmmədov küçədə ona tərs-tərs baxıb və o, bundan narahat olub. Sonra aralarında mübahisə yaranıb. Nəticədə Mahir Nazimi öldürüb.
