Yadigar İsgəndərovun hökmündən verilən apellyasiya şikayəti üzrə məhkəmə başlayıb. Sumqayıt24 bu haqda 12 oktyabr tarixində Olke.az-a istinadən xəbər verir.
Proses Sumqayıt Apellyasiya Məhkəməsində hakim Rəşadət Ağayevin sədrliyi ilə keçirilib. Təqsirləndirilən şəxsin anket məlumatları dəqiqləşdirilib.
Məhkəmənin növbəti baxış iclası oktyabrın 12-nə təyin edilib.
Qeyd edək ki, hadisə 4 yanvar 2022-ci ildə Sumqayıtda qeydə alınıb. Belə ki, 1990-cı il təvəllüdlü Yadigar İsgəndərov mübahisə zamanı yeznəsi, 1985-ci il təvəllüdlü Xəyal Əliyevi və onun qardaşı, 1987-ci il təvəllüdlü Tural Əliyevi bıçaqlayıb.
Xəstəxanaya yerləşdirilən yaralıların həyatlarını xilas etmək mümkün olub. Daha sonra Yadigar İsgəndərov polis əməkdaşları tərəfindən saxlanılıb. Barəsində Cinayət Məcəlləsinin xuliqanlıq niyyəti ilə qəsdən sağlamlığa zərər vurma və xuliqanlıq maddələri ilə ittiham irəli sürülüb.
İttihama görə, hadisəyə səbəb Yadigarın bacısını yaşadıqları evə geri qaytarmaq istəməsi olub. Xəyal isə buna etiraz edib. Bu zaman tərəflər arasında mübahisə yaranıb.
Sumqayıt Ağır Cinayətlər Məhkəməsinin hökmü ilə o, 9 il müddətinə həbs olunub.
