Bu gün şəhid Ənvər İmanovun mövlududur.
Ənvər Emil oğlu İmanov 11 yanvar 1999-cu ildə Sumqayıt şəhərində zəhmətkeş ailədə anadan olub.
Orta təhsilini 2005-2016-cı illərdə Sumqayıt şəhər 41 saylı məktəbində alıb. 2015-ci ildən 10 qat Azərbaycan, 3 qat Avropa çempionu Zöhrab Məsimovun rəhbərliyi altında qol güləşi idman növü ilə məşğul olmağa başlayıb və respublikada keçirilən yarışlarda iştirak edərək mükafatçı olub.
2016-cı ilin yanvar ayında həqiqi hərbi xidmətə yola düşüb. Gəncə və Tovuz rayonlarında yerləşən N saylı hərbi hissələrdə baş atıcı vəzifəsində xidmət edib.
Vətən müharibəsi zamanı Cəbrayılın, Füzulinin, Xocavəndin işğaldan azad olunmasında İmanovun müstəsna xidmətləri olub. O, oktyabrın 28-də şəhidlik zirvəsinə ucalıb.
Ənvər İmanov ölümündən sonra “Vətən uğrunda”, "Cəbrayılın azad olunmasına görə", "Xocavəndin azad olunmasına görə" və "Füzulinin azad olunmasına görə" medalları ilə təltif edilib.
