16 saylı yataqxananın vəziyyəti dəyişməz qalıb. Sumqayıt24 bu haqda 8 may tarixində xəbər verir.
Sözügedən bina 42-ci məhəllədə yerləşir. Yataqxana sakinlərin gözləri önündə dağılıb-tökülür. Onlar aidiyyəti qurumların hərəkətsizliyindən narazıdırlar.
İcra Hakimiyyətinin mətbuat katibi Eyvaz Qocayev məsələ ilə bağlı RealTV-yə açıqlama verib. O bildirib ki, problemin aradan qaldırılması üçün sakinlərə təkliflər olunsa da, onlar bununla razılaşmayıblar:
“Aidiyyəti qurumlara müraciət olunub. 2022-ci ildə müvafiq rəy verilib. Rəydə qeyd olunub ki, bu yataqxana əsaslı təmir edilməlidir. Lakin insanlar qəzalı olduğu üçün onun sökülməsini istəyirlər. Buna görə qurumlara yenidən müraciət ünvanlanacaq. Rəyə əsasən də tədbirlər görüləcək”.
