Sumqayıt şəhər İcra Hakimiyyətində yaradılmış Gender zorakılığı və uşaqlara qarşı zorakılıq üzrə monitorinq qrupları ilə dəyirmi masa keçirilib. Bu haqda 28 noyabr tarixində Sumqayıt24 Azərtac-a istinadən məlumat verir.
Ailə, Qadın və Uşaq Problemləri üzrə Dövlət Komitəsi tərəfindən baş tutan tədbirdə monitorinq qruplarının rəhbərləri və üzvləri iştirak ediblər.
Çıxış edənlər ölkəmizdə məişət zorakılığı ilə bağlı mövcud vəziyyət, məişət zorakılığına qarşı mübarizə sahəsində atılan addımlar barədə məlumat veriblər. Sonra “Məişət zorakılığı üzrə monitorinq qruplarının fəaliyyətinin təhlili və hüquqi müstəvidə görülməli olan tədbirlər” mövzusunda təqdimat səslənib.
Tədbirdə, eyni zamanda gender zorakılığı və uşaqlara qarşı zorakılıq üzrə monitorinq qrupları üzvlərinin çıxışları dinlənilib, fikir mübadiləsi aparılıb.
