Sumqayıt Dövlət Universitetində (SDU) tələbələr üçün seçki hüququ ilə bağlı maarifləndirici görüş təşkil edilib. Bu haqda 16 yanvar tarixində Sumqayıt24 xəbər verir.
Növbədənkənar prezident seçkilərində ilk dəfə səs verəcək tələbələr üçün təşkil olunan yığıncaq Azərbaycan Tələbə Gənclər Təşkilatları İttifaqının (ATGTİ) təşkilatçılığı və Mərkəzi Seçki Komissiyasının (MSK) dəstəyi ilə reallaşıb.
Görüşdə çıxış edən 44 saylı Sumqayıt III seçki dairəsinin katibi Flora Vəliyeva ölkəmiz üçün böyük siyasi əhəmiyyət daşıyan növbədənkənar Prezident seçkiləri barədə məlumat verib. O, gəncləri səsvermə haqqında maarifləndirərək seçki qanunvericiliyi və bu sahədə qəbul edilmiş hüquqi aktlar barədə ətraflı məlumat verib.
Tədbirin sonunda tələbələri maraqlandıran suallar cavablandırılıb.
