Qara İlyasov adına Qubadlı şəhər 1 saylı tam orta məktəbdə anım tədbiri keçirilib. Bu haqda 16 yanvar tarixində Sumqayıt24 Azərtac-a istinadən məlumat verir.
Mərasim Milli Qəhrəman, Birinci Qarabağ müharibəsində şəhidlik zirvəsinə yüksələn Vasili Əliyevə həsr edilib. Tədbirdə Vasilinin həyat və döyüş yolundan bəhs edən videoçarx nümayiş olunub, vətənpərvərlik mövzusunda şeirlər səsləndirilib.
Çıxışlarda bildirilib ki, Vətən müharibəsindən sonra işğaldan azad olunmuş Qubadlı rayonunda milli qəhrəmanlar - Əliyar Əliyev, Kərəm Mirzəyev, Vasili Əliyev, Aqil Məmmədov, Bəylər Ağayev və digərlərinin qəbirüstü abidələri yenidən götürülüb. Eləcə də Aşağı Mollu kəndində Həcər xanımın qəbirüstü abidəsi bərpa olunub. Qəbirüstü abidələrin bərpası davam edir.
Qubadlı rayon Polis şöbəsinin əməkdaşları Milli Qəhrəman Vasili Əliyevin Qubadlı rayonundakı qəbirüstü abidəsini də ziyarət ediblər.
