Sumqayıt Dövlət Universitetində (SDU) yeni təyinatlar baş tutub. Bu haqda 12 yanvar tarixində Sumqayıt24 SDU-ya istinadən məlumat verir.
Təyinata əsasən, universitetin Filologiya fakültəsinin dekanı vəzifəsini Günel Paşayeva, Kimya və Biologiya fakültəsinin dekanı vəzifəsini isə Rəşad Səlimov icra edəcəklər.
Günel Paşayeva Sumqayıt şəhərində anadan olub. Sumqayıt Dövlət Universitetinin Filologiya fakültəsinin bakalavr və magistr pillələrini fərqlənmə ilə bitirib. Filologiya üzrə fəlsəfə doktoru, Filologiya elm sahəsinin Azərbaycan dili ixtisası üzrə dosent elmi adını alıb. 1 dərs vəsaiti, 1 monoqrafiya, 5 fənn proqramı, 40-a yaxın elmi məqalə və tezis müəllifidir.
Rəşad Səlimov Lerik rayonunda anadan olub. Gəncə Dövlət Universitetinin Biologiya və kimya fakültəsinin bakalavr və magistr pillələrini fərqlənmə ilə bitirib. Biologiya üzrə fəlsəfə doktoru, Biologiya ixtisası üzrə dosent elmi adını alıb.
