14-cü məhəllədə binanın zirzəmisi çirkab yuvasına çevrilib. Sumqayıt24 bu haqda 29 iyun tarixində xəbər verir.
114-cü binanın zirzəmisi aylardır ki, çirkab sularla doludur. Yayın isti günlərində ətrafa üfunət yayır, ağcaqanadların yayılmasına səbəb olur. Həmçinin evin blokunda qapı və pəncərələr pis vəziyyətdədir. Sakinlərin sözlərinə görə, aidiyyəti qurumlar məsələyə laqeyd yanaşır.
Mənzil Kommunal Təsərrüfatı İstehsalat Birliyinin baş mühəndisi ARB Media-ya açıqlama verib:
“Həmin binanın iki girişi artıq təmir olunub. Əməkdaşlarımıza qalan bloklarla ələqədar tapşırıq verilib”.
Zirzəmi problemindən danışan “Azərsu” ASC-nin sözçüsü Anar Cəbrayıllının dediyinə əsasən, ünvana baxış keçirilib. Məlum olub ki, şaxtadan keçən kanalizasiya xəttində çat və axıntı var idi. Sukanal İdarəsinin əməkdaşları tərəfindən nasazlıq tam aradan qaldırılıb.
