Sumqayıtda 15 nömrəli yataqxananın elektrik sistemi təhlükə saçır. Sumqayıt24 bu haqda 26 avqust tarixində xəbər verir.
Sözügedən bina 15-ci məhəllədə yerləşir. Sakinlərin sözlərinə görə, uzun müddətdir ki, yataqxananın elektrik kabelləri və ümumilikdə sistemi yararsız vəziyyətdədir. Elektrik lövhələrində dəfələrlə qısaqapanmalar baş verib. Bununla bağlı “Azərişıq” ASC-yə məlumat verilsə də, heç bir tədbir görülməyib.
Növbəti belə qısaqapanma avqustun 25-də baş verib və bu dəfə yanğınla nəticələnib.
