Sumqayıt şəhəri, 17-ci mikrorayonda zirzəmilərə çirkab sular dolur. Sumqayıt24 bu haqda 21 iyun tarixində xəbər verir.
26, 27 və 28 saylı binaların zirzəmilərinə illərdir mənbəyi bilinməyən yerdən kanalizasiya suları daxil olur. Nəticədə ətrafı üfunət bürüyür və bu, ağcaqanadları cəlb edir. Sakinlərin dediyinə görə, ara-sıra müraciət əsasında zirzəmilər təmizlənsə də, sonradan vəziyyət yenə pisləşir.
Mövcud məsələ insanları narahat edir. Havalar isinəndə həmin binalarda yaşamaq olduqca çətinləşir.
Sumqayıt Sukanal İdarəsindən Xezerxeber.az-a bildirilib ki, problemdən xəbərdardırlar:
“Tez-tez həmin ünvanda zirzəmilərin təmizlənməsi prosesi həyata keçirilir. Hazırda həmin zirzəmilərə daxil olan qrunt və kanalizasiya sularının mənbəyi müəyyənləşdirilir. Məhz buna görə əraziyə texnikalar da cəlb edilib. İşlərin qısa vaxt ərzində başa çatdırılması nəzərdə tutulub.
