Millət vəkili Bakı-Sumqayıt yolunda yaradılan avtobus zolaqlarının effektiv olmadığından danışıb. Bu haqda 2 fevral tarixində Sumqayıt24 xəbər verir.
Milli Məclisin iclasında çıxış edən deputat Hikmət Babaoğlu bildirib ki, Bakı-Sumqayıt yolunda yaradılan avtobus zolaqları tıxacları artırıb, avtobuslar gecikir, çəkilən zolaqlar faydalı nəticə verməyib.
“Digər tərəfdən velosiped zolaqları ilə bağlı da çatışmazlıqlar mövcuddur. Zolaqlar bir tərəfdən avtomobillərin hərəkətinə problem yaradır, digər tərəfdən isə velosipeddən istifadə edən şəxslərin təhlükəsizliyi heç də tam təmin olunmur. Yollarımızda əsaslı yenidənqurma işləri aparılmadan bu yenilikləri tətbiq etmək faydalı deyil. Gələcəkdə avtomobil yollarının idarə olunması ilə bağlı bizə yeni qanun lazımdır”, – deyə H. Babaoğlu əlavə edib.
