H.Z. Tağıyev qəsəbəsinin sakinləri bir sıra çətinliklərlə üzləşirlər. Bu haqda 22 fevral tarixində Sumqayıt24 Oxu.az-a istinadən məlumat verir.
Əliağa Vahid küçəsində yaşayan sakinlər yolların asfaltsız olmasından və ərazinin işıqlandırılmamasından narazıdırlar.
Sakinlərin sözlərinə görə, şagirdlər çətinliklə məktəbə gedirlər:
“Şagirdlər palçıqlı yolla məktəbə getməyə məcburdurlar. İkinci növbə təhsil alan məktəblilər isə dərsdən evə qayıdanda telefon işığı və fənərlərdən istifadə edirlər, çünki küçə işıqlandırılmır”.
Valideynlər qeyd ediblər ki, küçənin işıqlandırılması üçün 3-4 il bundan əvvəl işlər görülsə də, yarımçıq qalıb.
