18-ci məhəllənin daxili yolları baxımsız qalıb. Sumqayıt24 bu haqda 10 fevral tarixində xəbər verir.
Sakinlər yaranmış vəziyyətdən narazıdırlar. Onlar bildirirlər ki, evlərinin önündəki istilik borusu dəfələrlə partlayıb. Hər dəfə “Azəristiliktəchizat” ASC-nin əməkdaşları tərəfindən təmir işləri üçün yer qazılır, amma sonradan bərpa edilmir.
Sözügedən problem insan və avtomobillərin rahat hərəkətinə mane olur. Sakinlər aidiyyəti qurumlara çoxsaylı müraciətlər etsələr də, hələlik heç bir tədbir görülməyib.
