İnşaatçılar qəsəbəsində kanalizasiya borusu partlayıb. Bu haqda 12 fevral tarixində Sumqayıt24 Oxu.az-a istinadən məlumat verir.
Bir həftəyə yaxındır ki, Ruhi-Əsəb Xəstəlikləri Dispanserinin yaxınlığında çirkab küçə boyunca axır. Sakinlərin sözlərinə görə, belə hallar tez-tez yaranır, insanların evlərini kanalizasiya suyu basır.
Məsələ ilə bağlı “Azərsu” ASC-nin Mətbuat Xidmətinin rəhbəri Anar Cəbrayıllı bildirib ki, sözügedən ərazidəki vəziyyətdən məlumatlıdırlar:
“Sumqayıtda deyilən küçədə kanalizasiya xəttində tutulma var. Aidiyyəti üzrə Sumqayıt Sukanal İdarəsinin briqadaları əraziyə göndərilib. Xüsusi maşın cəlb ediləcək, təzyiqli su ilə kanalizasiya xətti yuyulacaq. Problemin aradan qaldırılması istiqamətində tədbir görülür”.
