“Xəzri-2” yaşayış massivi qazla təchiz olunmur. Sumqayıt24 bu haqda 20 yanvar tarixində xəbər verir.
Massiv H.Z. Tağıyev qəsəbəsində yerləşir. Hazırda burada 400-ə yaxın ailə yaşayır. Onlar su və işıq verilsə də, mavi yanacaqdan məhrumdurlar. Soyuq evlərdə qalın gödəkçəsiz oturmaq qeyri-mümkündür. Uşaqlar və yaşlılar taqətdən düşür və tez-tez xəstələnirlər.
Sakinlər dəfələrlə “Azəriqaz” İB-yə müraciət ediblər:
“Deyiblər ki, baxılacaq. Sumqayıt Qaz İstismar Sahəsi zəng vasitəsilə maraqlanıb, amma heç kəs vəziyyətlə əyani tanış olmayıb. Evlərimizi odun sobası ilə qızdırmağa çalışdığımızı görməyiblər”.
