Sumqayıtda yollardan birində yaranmış problem hərəkət iştirakçılarına ciddi çətinliklər yaradır.
Sumqayit24.az-a daxil olan məlumata görə, Koroğlu prospektində yolda iri çuxur mövcuddur.
Görüntüdən də aydındır ki, çuxur tam şəkildə örtülməyib və bu da ərazidə təhlükəli vəziyyət yaradıb.
Xüsusilə axşam saatlarında və intensiv hərəkət zamanı bu vəziyyət sürücülər və piyadalar üçün təhlükə yaradır.
Vətəndaşlar aidiyyəti qurumlardan problemin qısa müddətdə aradan qaldırılmasını xahiş edirlər.
