Sumqayıt şəhəri, 34-cü məhəllədə antisantiariya hökm sürür.
Sumqayit24.az-a müraciət edən şəhər sakinlərinin sözlərinə görə, ərazini küçə alveri ilə məşğul olan şəxslər zibilləyir:
“Düz pəncərənin altında, blokun önündə meyvə satırlar. Yerə atdıqları çürük məhsulları isə işlərini bitirib gedəndə belə yığışdırmırlar. Bloklarımızı siçanlar basıb, üfünətin əlindən pəncərələri aça bilmirik.
Belə çıxır ki, alverçilər ancaq öz mənfəətini güdür və digər vətəndaşları düşünmürlər. Olmaz belə, bura Sumqayıtın mərkəzi sayılır. Şəhərin mərkəzini zibilxanaya döndəriblər”.
