Qarlı-şaxtalı hava Sumqayıtın yollarında problemlər yaradıb. Sumqayıt24 bu haqda 15 yanvar tarixində xəbər verir.
Sakinlərin sözlərinə görə, şəhərin yolları qardan təmizlənmir. Bu səbəbdən yollar buz bağlayıb. Piyada və avtomobillərin hərəkəti çətinləşib, xeyli insan işə vaxtında çata bilməyib.
İcra Hakimiyyətindən isə bildirilib ki, 14 yanvar gecə saatlarından etibarən təmizlik işləri aparılıb. Xeyli sayda texnika və canlı qüvvə cəlb olunub. Qaz, su və işığın verilməsində problemlərin yaranmaması xüsusi diqqətdə saxlanılır:
“Hər hansı bir fəsad ortaya çıxarsa, dərhal aradan qaldırılacaq, insanların rahatlığı təmin ediləcək”.
