Yenilənib: saat 17:00
Transformatorda aparılan təmir işləri yekunlaşıb və ərazidə elektrik enerjisinin verilişi tam bərpa olunub.
—————————————————————————————————————————–
Saat 15:48
Sumqayıtda transformator yanıb. Sumqayıt24 bu haqda 15 avqust tarixində Report.az-a istinadən xəbər verir.
Hadisə 14 avqust axşam saatlarında 16-cı mikrorayonda qeydə alınıb. Nəticədə mikrorayon ərazisində elektrik enerjisinin verilişi kəsilib və xeyli sayda ev işıqsız qalıb.
Fövqəladə Hallar Nazirliyinin (FHN) əməkdaşları tərəfindən yanğın qısa müddətdə söndürülsə də, elektrikin verilişi tam bərpa olunmayıb.
"Azərişıq" ASC-dən bildirilib ki, hazırda qeyd olunan ərazidə təmir-bərpa işləri aparılır. Qısa zaman ərzində evlər və mənzillər elektrik enerjisi ilə tam təmin ediləcək.
