Yaşıldərə yaşayış massivində sakinlər yolların yararsız hala düşməsindən narazıdırlar. Bu haqda 22 fevral tarixində Sumqayıt24 xəbər verir.
Vəziyyət yaşayış massivinin tunelin yaxınlığındakı hissəsində müşahidə olunur. Yolun hərəkət hissəsində dərin çalalar yaranıb. Sakinlərin sözlərinə görə, yağışlı havada həmin çuxurların su ilə dolması səbəbindən nəqliyyat vasitələri tez-tez sıradan çıxır. Ərazidə son illərdə yolda nə əsaslı, nə də ki cari təmir işləri aparılıb. Şikayətçilər aidiyyəti qurumlara müraciət etsələr də, vəziyyət dəyişməyib.
