Sumqayıtda 16 yaşlı Əlfüqar Zülfüqarlının cinayət işi üzrə ibtidai istintaq yekunlaşıb. Sumqayıt24 bu haqda 8 dekabr tarixində Sumqayit.tv-yə istinadən xəbər verir.
Anasını öldürməkdə, qardaşına xəsarət yetirməkdə ittiham olunan gəncin işi Sumqayıt Ağır Cinayətlər Məhkəməsinə göndərilib. Sənədləri hakim Nahid Mirzəyev araşdıracaq. Hazırlıq iclasının vaxtı məlum deyil.
İttihama görə, Əlfüqar Zülfüqarlı Corat qəsəbəsində anası, 37 yaşlı Günay Zülfüqarovanı kəsici alətlə öldürüb, 11 yaşlı qardaşını isə yaralayıb.
Onun barəsində Cinayət Məcəlləsinin 120.2.4 (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.
