Sumqayıt Şəhər Polis İdarəsi əməkdaşları əməliyyat tədbirləri keçiriblər. Bu haqda 29 dekabr tarixində Sumqayıt24 Daxili İşlər Nazirliyinə (DİN) istinadən məlumat verir.
Aparılan tədbirlərlə şəhər sakini, əvvəllər narkotiklərlə əlaqəli cinayətə görə məhkum olunmuş Orxan Musayev saxlanılıb. Onda 5 qrama yaxın metamfetamin aşkar edilib.
O. Musayevin yaşadığı evə baxış zamanı oradan əlavə 24 qramdan artıq heroin, 420 qramdan çox metamfetamin, 38 ədəd metadon həbi və 2 ədəd elektron tərəzi aşkar olunaraq götürülüb.
Fakt araşdırılır.
