Sumqayıtda kişi döyülüb. Sumqayıt24 bu haqda 8 dekabr tarixində Lent.az-a istinadən xəbər verir.
Hadisə 11-ci mikrorayonda baş verib. Bakıda yaşayan E.Ə. buraya anasına baş çəkməyə gəlib. Anası bağ evinə getdiyi üçün kişi taksi sifariş edib, onun yanına getməyə hazırlaşıb. Lakin bundan öncə, o, binanın blokunun önündə təbii ehtiyacını ödəyib. Bunu görən bina sakini E.C. ona irad bildirib və buranı çirkləndirməməsini xahiş edib.
İraddan hiddətlənən kişi E.C.-ni və ailə üzvlərini təhqir edib, ona əl-qol atıb. Qarşı tərəf isə onun üzünə yumruqla və bədənin digər hissələrinə təpiklə vurub. Nəticədə E.Ə. müxtəlif dərəcəli yüngül xəsarətlər alıb.
Onu döyən E.C. barəsində Cinayət Məcəlləsinin 127.1-ci (qəsdən sağlamlığa az ağır zərər vurma) maddəsi ilə cinayət işi açılıb. Sumqayıt şəhər Məhkəməsi onun barəsində 1 il azadlığın məhdudlaşdırılması (elektron qolbaq) cəzası təyin edib.
