Sumqayıtın əfsanəvi “Yuxu” qrupu haqda film çəkilə bilər. Bu barədə 7 sentyabr tarixində Sumqayıt24 xəbər verir.
Bioqrafiya və dram janrında olacaq bu filmin 80-ci illərdə yaranmış məşhur rok qrupunun inkişafı və dağılmasından bəhs edəcəyi nəzərdə tutulur.
Gənc prodüser Həsrət Ramazanov tərəfindən ərsəyə gətirilməsi planlaşdırılan film hazırda “pitching” mərhələsindədir və münsiflər qarşısında təqdim olunacaq.
Həsrət Ramazanov “Filming Azerbaijan” şirkətində prodüser kimi çalışır. Bundan əvvəl bir çox yerli və xarici filmlərin çəkilişi üzərində çalışıb. Hazırda isə “Debut film” studiyasının təşkil etdiyi “FilmLAB” kino kursunun prodüserlik bölməsində təhsil alır. Kursun diplom işi kimi isə məhz “Yuxu” filmini təqdim edib.
Qeyd edək ki, filmin rejissoru Müşfiq Mirzə, ssenaristi Ariz Əhmədxanlı, təsvir rejissoru isə Daniel Quliyev olacağı planlaşdırılır. [modula id="21484"]
