Sumqayıt sakini Aybəniz Nəsirova qədim sənət növü təkəlduz ilə məşğul olur. Sumqayıt24 bu haqda 6 sentyabr tarixində Apa TV-yə istinadən xəbər verir.
Anadangəlmə serebral iflic xəstəliyindən əziyyət çəkən və birinci dərəcəli fiziki məhdudiyyəti olan xanım indiyədək 500-ə yaxın əsər üzərində işləyib. O, özünü bu sənətsiz təsəvvür edə bilmir. Gördüyü iş problemləri unutdurur, ruhunu isə dincəldir.
Qeyd edək Aybəniz Nəsirova, təmənnasız olaraq fiziki qüsurlu insanlara da bu sənəti öyrədir.
Nəsildən-nəslə ötürülən təkəlduz qarmaqla vurulan zərif, bədii tikmə növüdür. "Təkəlduz" sözü hərfi mənada "tək əllə düz” mənasını verir. Avropa dillərində bu tikmə növü "zəncirli naxış" adlanır.
