Bu gün Vətən müharibəsi şəhidi Şirbala Hüseynovun doğum günüdür.
Şirbala Hüseynbala oğlu Hüseynov 6 may 1990-cı ildə Sumqayıt şəhərində anadan olub. Orta təhsilinə H.Z. Tağıyev qəsəbəsində yerləşən 6 saylı məktəbdə yiyələndikdən sonra Heydər Əliyev adına Ali Hərbi Məktəbə qəbul olub.
Leytenant rütbəsi alan Şirbala Beyləqan rayonunda yerləşən “N” saylı hərbi hissədə xidmət etməyə başlayır. O, Aprel döyüşlərində göstərdiyi qəhrəmanlığına görə baş leytenant, 2019-cu ildə isə kapitan rütbəsinə yüksəlir.
Vətən müharibəsi zamanı 3 döyüş yoldaşını yanan tankın içərisindən çıxararaq xilas edən Şirbala oktyabrın 2-də Füzuli istiqamətində gedən döyüşlərdə şəhid olur.
Hüseynov ölümündən sonra “Vətən uğrunda” və “Füzulinin azad olunmasına görə” medalları ilə təltif edilib.
