Sumqayıt Reabilitasiya Mərkəzi tərəfindən "Düşüncədən ünsiyyətə" adlı növbəti tədbir yekunlaşıb. Bu haqda 6 may tarixində Sumqayıt24 Abşeron–Xızı Regional Təhsil İdarəsinə istinadən məlumat verir.
İnternat tipli gimnaziyada baş tutan görüşdə mərkəzin psixoloqları, yoqa və müalicəvi bədən tərbiyəsi üzrə təlimatçılardan, həmçinin əlilliyi olan şəxslərdən ibarət komanda iştirak edib.
Psixoloqların keçirdikləri qrup terapiyasında şagirdlərin imtahanqabağı streslə mübarizəsi, özgüvən hissinin artırılması, idrak proseslərinin inkişafı mövzularında da seminar təşkil olunub.
