“Miniatür Sumqayıt” adlı maket müsabiqəsi keçirilib. Sumqayıt24 bu haqda 4 may tarixində xəbər verir.
Tədbir Abşeron–Xızı Regional Mədəniyyət İdarəsi və Sumqayıt Dövlət Rəsm Qalereyası tərəfindən təşkil olunub. Sumqayıtın 75 illik yubileyinə həsr edilmiş müsabiqəyə məktəblilər və Uşaq İncəsənət Məktəbinin şagirdləri qatılıblar. Onlar şəhərimizin memarlıq komplekslərini maketlər üzərində hazırlayıblar.
Müsabiqə iştirakçıları münsiflər heyəti tərəfindən işin peşəkarlığı və mövzunun əks etdirilməsi meyarı üzrə qiymətləndiriliblər.
Qalib və iştirakçılara fəxri fərmanlar verilib.
