Sumqayıt şəhərinin “Betonzavod” yaşayış massivində sakinlər yolların yararsız vəziyyətdə olmasından şikayətlidirlər. Bu haqda 12 dekabr tarixində Sumqayıt24 Baku TV-yə istinadən məlumat verir.
Sözügedən yaşayış massivində 3 minə yaxın sakin yaşayır. Şikayətçilər bildirirlər ki, 20 ilə yaxın burada yaşasalar da, yol bir dəfə də olsun asfalt üzü görməyib:
“Burada nə asfalt çəkirlər, nə də işığa baxırlar. Kanalizasiya daşır, bütün evlər suyun içində qalır. Hara gedirik, deyirlər: “Sənədsiz yerdir”. Taksi çağırırıq, gəlmir. Yolumuz çox narahatdır. Öz övladlarım da yolun ucbatından bura gəlmirlər”.
Məsələ ilə bağlı Sumqayıt Bələdiyyəsindən bildirilib ki, sözügedən yaşayış massivində asfalt örtüyünə ehtiyacı olan yollar 2024-cü ildə sosial-iqtisadi planlamaya salınacaq və lazımi işlər aparılacaq.
