Kotec qəsəbəsində yollar baxımsızlıqdan yararsız vəziyyətə düşüb. Bu haqda 5 mart tarixində Sumqayıt24 xəbər verir.
Söhbət 23-cü məhəllə adlanan ərazidən gedir. Şikayətçilərin sözlərinə görə, vəziyyət uzun müddət davam edir. Yolun asfalt örtüyünün olmaması sakinlərə bir sıra çətinliklər yaradır.
“Xanımlar, uşaqlar bu yoldan istifadə edə bilmirlər. Yağışlı havada yer palçıq olur. Avtomobillər tez-tez çuxura düşərək sıradan çıxır. Dəfələrlə müvafiq qurumlara müraciət etmişik”, – deyə qəsəbə sakinləri bildiriblər.
