Sarayda sakinlər kanalizasiya sularının mütəmadi dolub-daşmasından şikayətlənirlər. Bu haqda 28 mart tarixində Sumqayıt24 ATV News-a istinadən məlumat verir.
Nazim Hikmət küçəsinin sakinlərinin sözlərinə görə, kanalizasiya lükləri davamlı şəkildə daşır. Çirkablar gediş-gəlişli yolda böyük gölməçələr yaradır.
Şikayətçilər deyirlər ki, 4 il əvvəl şəxsi vəsaitləri hesabına evlərinə kanalizasiya xətləri çəkdiriblər, bu müddət ərzində işlər qaydasında gedib. Bu il ərzində yeni çəkilən xətlər bir neçə dəfə tutulsa da, sonradan açılıb.
Məsələ ilə bağlı “Azərsu” ASC-dən bildirilib ki, həmin əraziyə kanalizasiya xətləri sakinlərin özləri tərəfindən kustar üsulla çəkilib və tikinti normalarına cavab vermir. Bu səbəbdən də tez-tez xətlərdə tutulmalar olur. Sakinlərin müraciətləri əsasında qurum əməkdaşları dəfələrlə həmin ərazidə tutulan xətlər açılıb. Qeyd olunub ki, gələcəkdə qəsəbədə mərkəzləşdirilmiş kanalizasiya şəbəkəsinin qurulması nəzərdə tutulub.
