Qurd dərəsi yaşayış massivinin sakinləri yolların baxımsız qalmasından şikayətlənirlər. Bu haqda 22 aprel tarixində Sumqayıt24 Oxu.az-a istinadən məlumat verir.
Məmməd Səid Ordubadi küçəsi sakinlərinin sözlərinə görə, burada 42 ildir ki, asfalt döşəmə yoxdur. Yollara görə sakinlər nə taksi, nə də təcili yardım çağıra bilirlər, avtomobilləri isə demək olar ki, hər gün ustadadır.
Şikayətçilər dəfələrlə aidiyyəti qurumlara müraciət etsələr də, heç bir nəticə əldə olunmayıb.
Məsələ ilə bağlı Sumqayıt Bələdiyyəsinin sözçüsü Elnur Səbuhi söyləyib ki, yaşayış massivindəki problemli yollara asfalt çəkilməsi nəzərdə tutulub.
