Sumqayıtda 34 yaşlı kişi öldürülüb. Sumqayıt24 bu haqda 10 yanvar tarixində Baş Prokurorluğa istinadən xəbər verir.
Hadisə gecə saatlarında 15-ci məhəllədə baş verib. 34 yaşlı Həsənalı Piriyev 16 saylı yataqxanada yaşadığı mənzildə bıçaqlanaraq qətlə yetirilib.
41 yaşlı Seymur Quliyevin mübahisə zamanı Piriyevi bıçaqlayaraq qəsdən öldürməsinə əsaslı şübhələr müəyyən edilib. O, polis əməkdaşları tərəfindən saxlanılıb.
Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Cinayət işi üzrə ibtidai istintaq davam edir.
