Sumqayıt sakini Azərbaycana narkotik keçirərkən tutulub. Sumqayıt24 bu haqda 15 avqust tarixində Dövlət Sərhəd Xidmətinə (DSX) istinadən xəbər verir.
Avqustun 12-də Dövlət Sərhəd Xidmətinin (DSX) Sahil Mühafizəsinin qüvvə və vasitələrinin qarşılıqlı fəaliyyəti nəticəsində Xəzər dənizi vasitəsilə İrandan ölkəmizə narkotik keçirilməsinin qarşısı alınıb.
Əməliyyat zamanı Lənkəran rayonunun Nərimanabad qəsəbəsi ərazisində Sumqayıt sakini, 30 yaşlı Eduard Əliyev və Masallı rayonunun Qodman kənd sakini, 31 yaşlı Nurəddin Əlizadə ümumi çəkisi 11 kiloqram 592,44 qram narkotik vasitə (7 kq 435 qram marixuana, 1 kq 810 qram heroin, 662,44 qram metamfetamin və 1 kq 685 qram metadon M40 narkotik tərkibli güclü təsiredici vasitə hesab edilən həb) ilə saxlanılıblar.
Əməliyyat-istintaq tədbirləri aparılır.
