Gənc cüdoçunu öldürən Ruslan Səfixanovun apellyasiya şikayəti üzrə məhkəməsi başa çatıb. Sumqayıt24 bu haqda 26 avqust tarixində Pravda.az-a istinadən xəbər verir.
Bakı Apellyasiya Məhkəməsində hakim Mirzəli Abbasovun sədrliyi ilə keçirilən prosesdə qərar elan olunub. Şikayətin təmin edilməməsi qərarı alınıb.
Bakı Ağır Cinayətlər Məhkəməsinin hökmü ilə Sumqayıt sakini R. Səfixanov 19 il müddətinə həbs edilib.
Xatırladaq ki, hadisə 2022-ci ilin noyabrında Xəzər rayonunun Şağan qəsəbəsində yerləşən idman arenasında qeydə alınıb. Belə ki, 2002-ci il təvəllüdlü R. Səfixanov mübahisə zamanı Yevlax rayon sakini, 2006-cı il təvəllüdlü T. Rüstəmovu bıçaqlayaraq qəsdən öldürüb.
