Sumqayıtdakı qətlin səbəbi bəlli olub. Sumqayıt24 bu haqda 10 yanvar tarixində Report.az-a istinadən xəbər verir.
Öldürülən şəxs Həsənalı Piriyev əvvəllər Cinayət Məcəlləsinin bir neçə maddəsi ilə məhkum olub. O, Seymur Qasımovdan 300 manat borc alıb. Qasımov dəfələrlə ondan pulunu istəsə də, Piriyev buna məhəl qoymayıb.
Hadisədən bir neçə saat öncə Həsənalı Piriyev öz tanışı ilə Seymur Qasımovun yanına gəlib. Məsələni həll etməyə çalışarkən mübahisə yaranıb. Nəticədə Qasımov kişini bıçaqlayıb. Yaralı bir neçə addım getdikdən sonra qayınanasının evinin qarşısında keçinib.
