Sumqayıtda avtobusda əl çantası oğurlanıb. Sumqayıt24 bu haqda 21 avqust tarixində Daxili İşlər Nazirliyinə (DİN) istinadən xəbər verir.
Zərərçəkən şəxs 4-cü Polis Bölməsinə müraciət edib. Nəticədə onun içərisində 900 manat pul, bank kartları, qızıl-zinət əşyaları və digər qiymətli əşyaları olan çantasını oğurlamaqda şübhəli bilinən Sevinc Sadıqova saxlanılıb. O, əməlini etiraf edib.
Araşdırmalar zamanı qadının digər cinayəti də üzə çıxıb. Belə ki, S. Sadıqova TikTok sosial şəbəkəsində özünü ev təmiri ilə məşğul olan usta kimi göstərərək insanların etibarından sui-istifadə edib və onların pulunu ələ keçirib.
Polis Bölməsində araşdırmalar davam etdirilir. Bu şəxsin əməllərindən zərərçəkən başqa vətəndaşlar varsa, “102”yə və ya DİN-in sosial şəbəkələrdəki rəsmi səhifələrinə müraciət edə bilərlər.
