Bu gün Vətən müharibəsi şəhidi İlkin İsgəndərovun mövlud günüdür.
Azərbaycan Silahlı Qüvvələrinin çavuşu olan İlkin 1999-cu ildə Sumqayıt şəhərində anadan olub.
2018-2019-cu illərdə müddətli həqiqi hərbi xidmətdə olub. O, 2020-ci ilin 27 sentyabrında başlanan Vətən müharibəsi zamanı Füzulinin və Cəbrayılın azadlığı uğrunda gedən döyüşlərdə savaşıb və oktyabrın 25-də döyüş tapşırığını yerinə yetirərkən qəhrəmancasına şəhid olub.
Göstərdiyi qəhrəmanlığa görə ölümündən sonra "Vətən uğrunda", "Cəsur döyüşçü" və "Füzulinin azad olunmasına görə" medalları ilə təltif edilib.
