Xalq arasında Torpaq çərşənbəsinə “Yer çərşənbəsi”, “İlaxır çərşənbə” də deyilir. Axır çərşənbə gecəsində təbiət təzələnir.
Bu çərşənbədə bayram süfrəsi açılır, şirniyyat bişirilir, məcməyi və ya sinilərdə xonça hazırlanır. Bayram xonçasına səməni qoyulur, ətrafı isə boyanmış yumurta, qoz, fındıq, badam və şirniyyatlarla bəzədilir. Axır çərşənbədə küsülülər barışırlar, xoş əhvali-ruhiyə ilə bayrama hazırlaşırlar.
