1992-ci ilin fevral ayının 25-dən 26-a keçən gecə keçmiş SSRİ-nin 366-cı alayının köməyi ilə Ermənistan silahlı qüvvələri tərəfindən Azərbaycanın Xocalı şəhərində soyqırım törədilmişdir.
Faciə nəticəsində 613 nəfər öldürülmüş, 1275 nəfər əsir götürülmüşdür, şəhərin özü yerlə-yeksan edilmişdir. Qətlə yetirilənlərin 106-sı qadın, 63-ü uşaq və 70-i qoca idi. 150 nəfərin taleyi isə bu günə qədər məlum deyil. Faciə zamanı Xocalının 487 sakini əlil edilmiş, o cümlədən 76 uşaq, 8 ailə tamamilə məhv edilmişdir.
Ermənistan hücumda 10 tank, 16 zirehli transportyor, 9 piyada döyüş maşını istifadə etmişdir.
1994-cü ildə Milli Məclisin qərarına əsasən, 26 Fevral - Xocalı Soyqırımı Günü elan olunub. Hər il fevralın 26-sı saat 17.00-da Xocalı soyqırımı qurbanlarının xatirəsi yad edilir.
