Sumqayıt şəhər sakini intihara cəhd edib. Bu haqda 26 fevral tarixində Sumqayıt24 Report.az-a istinadən məlumat verir.
Hadisə Corat qəsəbəsindəki 2 mərtəbəli fərdi yaşayış evində qeydə alınıb. Şəhər sakini, 32 yaşlı Sabir Mədətov naməlum səbəbdən evin 2-ci mərtəbəsinin yarımtikilisindən özünü asaraq həyatına qəsd etməyə cəhd edib.
Cəhdin qarşısı onun qonşusu, 32 yaşlı Novruz Məmmədov tərəfindən alınıb.
Kişi dərhal xəstəxanaya yerləşdirilib.
Faktla bağlı araşdırma aparılır.
