Fövqəladə Hallar Nazirliyinin (FHN) Sumqayıt Regional Mərkəzi tərəfindən maarifləndirici tədbir keçirilib. Bu haqda 16 mart tarixində Sumqayıt24 FHN-ə istinadən məlumat verir.
Dövlət Yanğın Nəzarəti Xidməti mütəxəssislərinin iştirakı ilə keçirilən tədbir 30 nömrəli məktəbində baş tutub.
Seminarda fövqəladə halların təsnifatı, yanğınların başvermə səbəbləri və bu zaman zəruri davranış qaydaları barədə ətraflı məlumat verilib.
Daha sonra FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İştirakçıların sualları ətraflı cavablandırılıb.
