Sumqayıt məktəbində "Erkən nikah və onun fəsadları” mövzusunda maarifləndirici tədbir keçirilib. Bu haqda 18 mart tarixində Sumqayıt24 xəbər verir.
7 nömrəli məktəbdə baş tutan tədbirdə şəhər icra hakimiyyətinin məsul şəxsi, İcra Hakimiyyətində yetkinlik yaşına çatmayanların işləri və hüquqları müdafiəsi üzrə komissiyanın aparıcı məsləhətçisi Aynur Eyvazova, 6 nömrəli məktəbin direktoru, Corat qəsəbə bələdiyyəsinin sədr müavini Nuradə Kərimova iştirak ediblər.
Toplantıda çıxış edən qonaqlar erkən nikahın fəsadlarından danışıblar. Daha sonra mövzu ilə bağlı qısametrajlı film nümayiş olunub, şagirdlərin filmə münasibəti öyrənilib.
