"Panda School" MMC barəsində inzibati xəta protokolu tərtib olunub. Sumqayıt24 bu haqda 28 fevral tarixində Qaynarinfo.az-a istinadən xəbər verir.
Protokol İnzibati Xətalar Məcəlləsinin siyasi, sosial və əmək hüquqları əleyhinə olan 192.1-ci maddəsi ilə irəli sürülüb.
Maddəyə əsasən, əmək müqaviləsi hüquqi qüvvəyə minmədən işəgötürən tərəfindən fiziki şəxsləri hər hansı işlərin yerinə yetirilməsinə cəlb edilməsinə görə fiziki şəxslər 1000-2000 manatadək, vəzifəli şəxslər 3000-5000 manatadək, hüquqi şəxslər 20.000-25.000 manatadək cərimə edilirlər.
İşə 11 mart tarixində Sumqayıt Şəhər Məhkəməsinin hakimi Ramiz Quliyevin sədrliyi ilə baxılacaq.
Qeyd edək ki, “Panda School”un əsas mərkəzi Sumqayıt şəhərindədir. Şirkətin qanuni təmsilçisi Elvin Dadaşovdur.
