Sumqayıt Dövlət Universitetinin (SDU) tələbələri tədbirlər keçiriblər. Sumqayıt24 bu haqda 27 fevral tarixində xəbər verir.
Filologiya fakültəsinin Azərbaycan dili və ədəbiyyat, Xarici dil və İbtidai sinif müəllimliyi ixtisasları üzrə oxuyan gənclər təcrübə keçdikləri 10 nömrəli, 4 nömrəli, 1 nömrəli, 15 nömrəli məktəblərdə və İdrak liseyində Xocalı faciəsinin 32-ci ildönümünü qeyd ediblər.
Fakültə rəhbərliyi, məktəb direktorları və təcrübəçi müəllimlər də tədbirlərə qoşulublar. Onlar şəhidlərə həsr olunan fotosərgiyə və Xocalı haqqında yazılmış kitablara baxış keçiriblər.
Sonra şagirdlər “Xocalı ağısı”nı səsləndirib, səhnəciklər canlandırıblar.
Tələbələr şagirdlərə əsrin faciəsindən danışıblar. Prezident İlham Əliyevin Xocalı, həmçinin işğaldan azad olunmuş torpaqlarımıza bayraq sancması ilə bağlı videoçarx izlənilib. Tələbələr və şagirdlər faciəyə aid müxtəlif şeirlər deyiblər. Yüksək yaradıcılığa malik şagirdlər müstəqil fikirlərini əks etdirdikləri esselər, müxtəlif mövzulu hekayələr təqdim ediblər.
