Sumqayıtda sursat aşkarlanıb. Bu haqda 18 mart tarixində Sumqayıt24 Fövqəladə Hallar Nazirliyinə (FHN) istinadən məlumat verir.
Hüquq-mühafizə orqanı əməkdaşları ilə birgə hadisə yerinə FHN-in minalardan təmizləmə üzrə çevik qrupu cəlb edilib. Ərazidə 1 ədəd 122 mm-lik tank mərmisi aşkarlanıb.
Sursat zərərsizləşdirilməsi üçün ərazidən götürülərək kənarlaşdırılıb. Əlavə axtarış zamanı ətrafda başqa hər hansı təhlükəli və ya şübhəli əşya aşkar edilməyib.
