Sumqayıtda Xocalı faciəsinin 32-ci ildönümü münasibətilə anım tədbiri keçirilib. Bu haqda 26 fevral tarixində Sumqayıt24 Sumqayitxeber.com-a istinadən məlumat verir.
Tədbirdə şəhər rəhbəri Zakir Fərəcov, hüquq-mühafizə orqanlarının rəhbərləri, şəhid ailələri və qazilər, eləcə də ictimaiyyət nümayəndələri iştirak ediblər.
Ziyarətçilər Nəsimi parkında Xocalı faciəsi qurbanlarının xatirəsinə ucaldılmış abidənin önünə gül dəstələri düzüb, Xocalıda həlak olan soydaşlarımızın xatirəsini ehtiramla anıblar. Sonra şəhidlərin xatirəsi bir dəqiqəlik sükutla yad edilib.
