Sumqayıtda 26 Fevral – Xocalı faciəsi mövzusunda anım tədbiri keçirilib. Bu haqda 26 fevral tarixində Sumqayıt24 xəbər verir.
Tədbir Heydər Əliyev Mərkəzi və Xidmət Sahələri üzrə Sumqayıt Dövlət Peşə Təhsil Mərkəzinin birgə təşkilatçılığı ilə baş tutub.
Öncə şəhidlərimizin əziz xatirəsi bir dəqiqəlik sükutla yad edilib. Toplantıda 26 Fevral – Xocalı hadisələrindən, onun dəhşətlərindən, Vətən övladlarının fədakarlığından bəhs edən kitablar, fotolar, jurnallar, qəzetlər yer alıb.
Daha sonra tələbələrin hazırladıqları ədəbi-bədii kompozisiyalar, Xocalı soyqırımı hadisələrini canlandıran səhnələr nümayiş olunub, 26 Fevral – Xocalı faciəsindən bəhs edən sənədli film göstərilib.
Tədbir Prezident İlham Əliyevin xalqa müraciətinin yer aldığı "Qarabağ Azərbaycandır!" videoçarxı ilə başa çatıb.
