H.Z. Tağıyev qəsəbəsində məktəbdə bir çox sinif otaqları istiliklə təmin olunmur. Bu haqda 16 yanvar tarixində Sumqayıt24 xəbər verir.
Bu hal 19 saylı təhsil müəssisəsində müşahidə olunur. Məktəb 2 korpusdan ibarətdir - yeni və köhnə. Valideynlərin sözlərinə görə, köhnə korpusdakı bir sıra otaqlarda istilik sistemi işləmir.
“Dərslər “buz kimi” sinif otaqlarında keçirilir. Bir neçə otaq qızdırıcı vasitə ilə isidilir, lakin bu, şagirdlərin qızınmasına kifayət etmir. 1 həftədir uşaqlar dərsə getmir. Bu gün artıq məcbur gediblər. Övladlarımız üst geyimdə parta arxasında əyləşirlər. Məktəb direktoruna, aidiyyəti qurumlara müraciət etdik, amma baxan yoxdur”, - deyə valideynlər bildiriblər.
